uçurmak

işlik

1) Howada gaýdyrmak, uçmaga sezewar etmek.

∙ Kiçijikler öz ýasan fýuzelýažly awiamodellerini uçurýarlar. («Mydam Taýýar» gazeti)

2) Birden bir zadyň bir ýerini döwüp gaçyrmak.

3) Hiňňildige mündürip, ikiýanlaýyn bat aldyrmak.

◊ başyňdan huşuňy uçurmak — seret huş

∙ Gybatyny edip, ýamanlap oturan mahalynda Pökgeniň üstüne gelmegi, Elliniň başyndan huşuny uçurdy. (A. Gowşudow, Köpetdagyň eteginde)

◊ neşesini uçurmak — seret neşe

∙ Başyňa döneýin neme jan, sen meni gorkuzyp neşämi uçurdyň! («Tokmak» žurnaly)